I scizeri de Tirol se ven - Le comandant Elmar Thaler por en ann a ce dai "Tiroler Schützen"

PORSENÚ - En de plen de storia: ai 26 de november dal 2011 a i scizeri dal Tirol dal Nord, de Südtirol y dal Welschtirol mötü sö a Porsenù la uniun "Tiroler Schützen". L’uniun nea è gnüda fora dal Gesamttiroler Schützenbund. Por plü mensc alalungia s’an de jö con cösta forma y ciafé ensciö en liam nö.

I "Tiroler Schützen" con sonta a Balsan dess porté plü adöm i scizeri por dötes le perts fora, arjunje do so statut nö endo en Tirol su y tignì alalt les tradiziuns dai scizeri, co va en per con la fede cristiana. Ensciö dess i scizeri despartis a nord y süd dal confin dal Brenner roé ciamò plü adöm.

Pla organisaziun nea sarál laprò le Bund dles compagnies de Tirol, le Bund dai scizeri de Südtirol y le Bund dai scizeri de Welschtirol. Chisc è comanes da en gremio nö, motü adöm dai trei comandanc Mag. Fritz Thiefenthaler, Elmar Thaler y Paolo Daprà, sü vizi y sü trei scroans. Vigne ann i tochera a en ater comandant manajié l’organism nö.

Nö daldöt é ince la junta co ararà trep da di. Pa cösta alda laprò les trei Bundesleitungen con sü 19 membri. Tal dagnì ciafarara na gran forza.

An a belo lascié cönesce entenziuns nees, ensciö na scora de istruziun con düc deboriada o na discussiun a Desproch sön la zitadinanza dopla. Dal 2015 oraran recordé con na manifestaziun aposta les frunts dai tiroleri co s’a defenü dan da 100 agn dai taliagns. I nös metus a ringrazié l’Obmann dal Gesamttiroler Schützenbund Hermann Huber y i atri co a daidé.

Cösc e ste en pröm vare por avei en Tiroler Schützenbund con düc deboriada y cösc romagnerá enant le pröm travert. Cösc foss plü saurì te en Tirol lié adöm endo danö, por chel che la uniun "Tiroler Schützen" o se de da fa.